សណ្តែកបាយ ជាដំណាំដុះលូតលាស់ល្អនៅលើដីចម្ការ និងផ្តល់ផលជាមធ្យមប្រហែល ៩០០ គ.ក្រ/ហត ចំណែកឯនៅដីទំនាបវិញ កម្រមានកសិករដាំដុះណាស់ ពីព្រោះវាងាយរងការខូតខាតបំផុតនៅពេលជាំទឹក ឬខ្វះទឹកក្នុងរយៈពេលខ្លី។ តាមពិតទៅ ដំណាំសណ្តែកបាយ ក៏អាចដុះលូតលាស់បានល្អផងដែរនៅលើដីទំនាប  ដោយអាចផ្តល់ប្រាក់​​ចំណេញ​ដុលពី ២ ទៅ ៥ លាន​រៀល​ក្នុងមួយហិកតា ប្រសិនបើកសិករដាំដុះទៅតាមបច្ចេកទេសមួយចំនួនដូចមានរៀបរាប់ក្នុងព្រឹត្តិប័ត្រព័ត៌មានកសិករនេះ។

Other crops released by CARDI

ពូជសណ្ដែកបាយកាឌីជ័យ “CARDI Chey” ត្រូវបានបញ្ចេញដោយវិទ្យាស្ថានស្រាវជ្រាវ និងអភិវឌ្ឍន៍កសិកម្មកម្ពុជា (កាឌី) នៃក្រសួងកសិកម្មរុក្ខាប្រម៉ាញ់ និង នេសាទនាឆ្នាំ ២០០១ បន្ទាប់ពីបានធ្វើការពិសោធន៍អស់រយៈពេល ប្រាំមួយរដូវ កន្លងមក ។ ពូជនេះមានប្រភពដើមចេញពីស្រឡាយ VC 1973A របស់មជ្ឈមណ្ឌលស្រាវជ្រាវ និងអភិវឌ្ឍន៏ដំណាំបនែ្ល អាស៊ី AVRDCដែលស្ថិតនៅប្រទេសតៃវ៉ាន់។

សណ្ដែកដី ចាត់ចូលក្នុងអំបូរ Leguminosea ដែលមានឈ្មោះវិទ្យាសាស្ដ្រ Aarachis hypogeae
L.។ សណ្ដែកដីមានសារប្រយោជន៍ច្រើនយ៉ាង និងមានជាតិប្រេង ខ្ពស់ជាងដំណាំក្នុងអំបូរសណ្ដែក
ផ្សេងៗទៀតហើយដែលមានរហូតដល់  ៤០-៦០ភាគរយ។  នៅក្នុងប្រទេសកម្ពុជា ដំណាំសណ្ដែក
ដីត្រូវបានកសិករដាំជាដំណាំរួមផ្សំតែប៉ុណ្ណោះ   ដូចនេះ   ផ្ទៃដីដាំដុះសណ្ដែកដីប្រែប្រួលពីមួយឆ្នាំ
ទៅមួយឆ្នាំ អាស្រ័យតាមតម្រូវការទីផ្សារ។ ក្នុង ឆ្នាំ ២០០៣-២០០៤ផ្ទៃដីដាំដុះសរុបមានប្រហែល
១៥,០០០ ហិកតា ដែលមានទិន្នផល ជាមធ្យម ០.៧៣ តោន/ហិកតា។

ពូជសណ្ដែកបាយ ស៊ីអឹមប៊ី០១ “ CMB01 ” ត្រូវបានបញ្ចេញដោយវិទ្យាស្ថានស្រាវជ្រាវ និងអភិវឌ្ឍន៍កសិកម្មកម្ពុជា (កាឌី)នៃក្រសួងកសិកម្មរុក្ខាប្រម៉ាញ់​ និងនេសាទ នាដើមឆ្នាំ ២០០៩ បន្ទាប់ពីបានធ្វើការពិសោធន៍អស់រយៈពេលប្រាំបីរដូវ (បួនឆ្នាំ) ចាប់ពីឆ្នាំ ២០០៥ កន្លងមក តាមរយៈថវិការគម្រោង CARF និងកាឌី។ ពូជនេះមានប្រភពដើមចេញពីស្រឡាយ VC4152 របស់មជ្ឈមណ្ឌលស្រាវជ្រាវនិងអភិវឌ្ឍន៍ដំណាំបន្លែអាស៊ី (AVRDC) ដែលស្ថិតនៅកោះតៃវ៉ាន់។

ដំណាំសណ្ដែកសៀង មានសារសំខាន់បំផុតសំរាប់មនុស្ស និងសត្វ ដោយគេយកវាមកកែច្នៃធ្វើជា អាហារបានច្រើនប្រភេទដូចជា សៀង ទឹកស៊ីអីវ ទឹកសណ្ដែក តៅហ៊ូ ពពុះសណ្ដែក និងអាហារផ្សេងៗ។ ក្រៅពីនោះផលិតផលសណ្ដែកសៀង គេអាចទទួលបានជាប្រេងសណ្ដែក និង ម្សៅ ដោយប្រេងសណ្ដែក យកមកធ្វើជាអាហារមនុស្ស មិនតែប៉ុណ្ណោះគេអាចបញ្ជូលទៅក្នុងរោងចក្រធ្វើជាសាប៊ូបានទៀតផង។ ដើម សណ្ដែកសៀង អាចយកមកធ្វើជាចំណីសត្វពាហនៈ ហើយក៍អាចយកមកប្រើប្រាស់ក្នុងការកែលំអរ គុណភាពដី។

ពូជសណ្ដែកបាយ ស៊ីអឹមប៊ី០២ “CMB02” ត្រូវបានបញ្ចេញដោយវិទ្យាស្ថានស្រាវជ្រាវ និងអភិវឌ្ឍន៍កសិកម្មកម្ពុជា (កាឌី) នៃក្រសួងកសិកម្មរុក្ខាប្រម៉ាញ់​ និង នេសាទនាដើមឆ្នាំ ២០០៩ បន្ទាប់ពីបានធ្វើការពិសោធន៍អស់រយៈពេលប្រាំមួយរដូវ (បីឆ្នាំ) កន្លងមកតាមរយៈថវិការគម្រោង CARF និងកាឌី។ ពូជនេះមានប្រភពដើមចេញពីស្រឡាយ VC 3541B របស់មជ្ឈមណ្ឌលស្រាវជ្រាវ និងអភិវឌ្ឍន៍ដំណាំបន្លែអាស៊ី (AVRDC) ដែលស្ថិតនៅកោះតៃវ៉ាន់។

ពូជសណ្ដែកបាយ ស៊ីអឹមប៊ី០៣ “CMB03” ត្រូវបានបញ្ចេញដោយវិទ្យាស្ថានស្រាវជ្រាវ និងអភិវឌ្ឍន៍កសិកម្មកម្ពុជា (កាឌី) នៃក្រសួងកសិកម្មរុក្ខាប្រម៉ាញ់​ និង នេសាទ នាដើមឆ្នាំ ២០០៩ បន្ទាប់ពីបានធ្វើការពិសោធន៍អស់រយៈពេលប្រាំមួយរដូវ (បីឆ្នាំ) កន្លងមក។ ពូជនេះមានប្រភពដើមចេញពីស្រឡាយ ATF 3944 នាំចូលពីប្រទេសអូស្ត្រាលី។

សណ្តែកបាយ ជាដំណាំមួយប្រភេទ ដែលមានប្រយោជន៍ច្រើនយ៉ាង   សម្រាប់ជាចំណីអាហារមនុស្ស   និងជាប្រភពប្រាក់ចំណូលដ៏សំខាន់សម្រាប់កសិករ។ សណ្ដែកបាយ ១០០ ក្រាម មានផ្ទុកសារធាតុសំខាន់ៗមួយចំនួនដូចជា ថាមពល ១៤៥២ គីឡូកាឡូរី កាបូន ៦២,៦២ ក្រាម ប្រូតេអ៊ីន ២៣,៨៦ ក្រាម  សរសៃរ ១៦,៣ ក្រាម និងខ្លាញ់ ១,១៥ ក្រាម។
ការបង្កើនផលិតភាព និងពិពិធកម្មដំណាំ គឺជាសកម្មភាពចម្បងចូលរួមចំណែកក្នុងការអនុវត្ដន៍គោលនយោបាយយុទ្ឋសាស្ដ្រ របស់រាជរដ្ឋាភិបាលកម្ពុជា​។    កសិករភាគច្រើននៅតំបន់ខ្ពង់រាបប្រទេសកម្ពុជា ​  បានចាប់យករបរកសិកម្ម   ដើម្បីបង្កើនប្រាក់ចំណូលសម្រាប់គ្រួសាររបស់ខ្លួន​ ដោយធ្វើការដាំដុះដំណាំចម្រុះជំនួសឱ្យការដាំដំណាំតែមួយមុខនៅក្នុងមួយឆ្នាំៗ។