កណ្ដុរគឺជាសត្វចង្រៃដ៏ចម្បងបំផុតលើដំណាំកសិកម្មក្នុងតំបន់មួយចំនួននៃប្រទេសកម្ពុជាយើង។ ការបំផ្លាញរបស់វាធ្វើឲ្យមានការបាត់បង់ទិន្នផលគួរឲ្យកត់សម្គាល់នៅមុនពេលប្រមូលផលស្រូវ។ តាមការពិសោធន៍ស្រាវជ្រាវ បានបង្ហាញឲ្យឃើញថា ការបាត់បង់  ទិន្នផលស្រូវ ទាំងមុនពេលប្រមូលផល និងក្រោយពេលប្រមូលផលដោយសារសត្វកណ្ដុរ មានជាមធ្យមពី ៥ - ១៥ ភាគរយ  និងស្ទើរទាំងស្រុងនៅឆ្នាំខ្លះ (ឆ្នាំកើតមានកណ្ដុរច្រើន)។ កម្រិតនៃការបំផ្លាញរបស់កណ្ដុរអាស្រ័យទៅលើបរិមាណនៃជម្រកសមស្របរបស់ពួកវាដែលស្ថិតនៅជុំវិញស្រែ។ ដោយហេតុនេះហើយ កម្រិតនៃការបំផ្លាញពីតំបន់មួយទៅតំបន់មួយទៀតនៅតាមភូមិ មិនមានលក្ខណៈដូចគ្នាឡើយ ហើយការបំផ្លាញនេះ ច្រើនប្រមូលផ្តុំនៅតាមព្រៃភូមិដែលមានប្រឡាយដុះដោយស្មៅ ស្រះធំៗ និងបឹង។

    ប្រព័ន្ធអង្គប់របាំងប្លាស្ទិច ដែលហៅកាត់ថា ធី-ប៊ី-អេស ជាប្រព័ន្ធនៃការផ្សំបញ្ចូលគ្នានូវ របាំងប្លាស្ទិច អង្គប់ (ដែលកសិករហៅថាលប) ដំណាំធ្នាក់ និងការចូលរួមរបស់ក្រុមកសិករ ដើម្បីគ្រប់គ្រងសត្វកណ្តុរក្នុងស្រែរបស់ខ្លួន។

 ការបំផ្លាញរបស់សត្វកណ្តុរតាមរូបភាព២យ៉ាងគឺ ការបំផ្លាញរបស់វានៅលើស្រែផ្ទាល់ និង ការបំផ្លាញផលិតផលស្តុក។ ការសិក្សាស្វែងយល់ពីលក្ខណៈជីវសាស្ត្រនៃសត្វកណ្តុរ ជាចំណុច ចាប់ផ្តើមដំបូងសម្រាប់ធ្វើការរៀបចំយុទ្ធសាស្ត្រផ្សេងៗ ដើម្បីធ្វើការគ្រប់គ្រងសត្វកណ្តុរប្រកប ដោយប្រសិទ្ធភាពខ្ពស់ និងនិរន្តរភាព។

អង្គប់ទ្រុងធី-ប៊ី-អេស ធ្វើឡើង ដោយដែកសំណាញ់ដែលមានទំហំប្រវែង ២៥ ស.ម - ៩០ ស.ម ភ្ជាប់ដោយប្រឹសពីរជាន់ មានរាងមូលទេរចូលទៅខាងក្នុងនៃអង្គប់ ។ អង្គប់ទ្រុងនេះមានប្រសិទ្ធភាពខ្ពស់ ក្នុងការចាប់កណ្តុរស្រែ ហើយមានលក្ខណ:ជាអង្គប់ទ្រុងពិឃាត ព្រោះអង្គប់នេះអាចទាក់ទាញសត្វកណ្តុរឱ្យចូលទៅក្នុងទ្រុងបានយ៉ាងងាយ តែចេញវិញមិនរួចឡីយ។

អង្គប់គឺជាឧបករណ៍នៃធី-ប៊ី-អេស សម្រាប់ចាប់សត្វកណ្តុរដែលបម្រុងនឹងចូលក្នុងកូនស្រែធី-ប៊ី-អេស។ ហេតុដូចនេះ បើសិនជាការរៀបចំអង្គប់មិនបានសមស្របទេនោះ វាអាចធ្វើឱ្យប្រសិទ្ធភាពនៃ ធី-ប៊ី-អេស  ថយចុះ (កូនស្រែរងការបំផ្លាញពីសត្វកណ្តុរ)។

ការចូលរួមរបសក់សិករ ក្នុងការគ្រប់គ្រងកណ្តុរស្រែ គឺជាការគ្រប់គ្រងកណ្តុរដ៏មានប្រសិទ្ធិភាព និងផ្តល់ផលប្រយោជន៍រួមដល់សហគមន៍ទាំងមូល ។ វាជាវិធីសាស្ត្រការពារដំណាំស្រូវប្រឆាំងនឹងកណ្តុរស្រែ ដែលមានលក្ខណៈ ជាប្រពន្ធ័មួយរួមមាន របាំងប្លាស្ទិច អង្គប់ និងដំណាំ ធ្នាក់ ។ កសិករក្នុងសហគមន៍ចូលរួមចំណែកក្នុងការរៀបចំសម្ភារៈ ការរៀបចំកូនស្រែ និងការត្រួត ពិនិត្យថែទាំកូនស្រែ។

លោកអ្នកពិតជាឆ្ងល់ហើយមែនទេ? ថាតើអង្គប់ទ្រុង ធី-ប៊ី-អេស នោះជាអ្វី? ហើយមានលក្ខណះយ៉ាងដូចម្ដេច?។ ដើម្បីដោះស្រាយនូវចំងល់នេះ វិទ្យាស្ថានស្រាវជ្រាវ និងអភិវឌ្ឍន៍កសិកម្មកម្ពុជា សូមធ្វើការបង្ហាញជូននូវប្រភេទអង្គប់ទ្រុង ដែលមានប្រសិទ្ធភាពខ្ពស់ក្នុងការចាប់កណ្ដុរស្រែ ហើយមានលក្ខណះជាអង្គប់ទ្រុងពិឃាត ព្រោះអង្គប់នេះអាចទាក់ទាញ សត្វកណ្ដុរអោយចូលទៅក្នុងទ្រុងបានយ៉ាងងាយ តែចេញវិញមិនរួចឡីយ។

កណ្តុរស្រែ ជាសត្វចង្រៃមួយក្នុងចំណោមសត្វដែលធ្វើឱ្យបាត់បង់ទិន្នផលស្រូវយ៉ាងធ្ងន់ធ្ងរ។ គម្រោងនេះនឹងបង្កើតការគ្រប់គ្រងសត្វកណ្តុរជាលក្ខណៈសហការគ្នា ឬជាសហគមន៍ ដោយប្រើ ប្រាស់វិធីសាស្ត្រ ធី-ប៊ី-អេស ។ ធី-ប៊ី-អេស មានន័យថាជាប្រព័ន្ធគ្រប់គ្រងសត្វកណ្តុរស្រែមួយរួម មាន របាំងប្លាស្ទិច អង្គប់ និងដំណាំធ្នាក់។