Post-Harvest Technology

ការទុកដាក់ស្រូវឲ្យមានសុវ​ត្ថិភាព​ ជាកិច្ចការសំខាន់មួយក្នុងចំណោមកិច្ចប្រតិ្តបត្តក្រោយពេលប្រមូលផល។ គ្រាប់ស្រូវ​អាច​ទទួល​រងការខូចខាតបរិមាណ និងគុណភាព បើសិនយើងមិនយកចិត្តទុកដាក់លើបរិក្ខា និងប្រព័ន្ធទុកដាក់នោះទេ។​ ជាទូទៅ​ ការទុកដាក់ត្រូវ​បានចែកចេញជាពីរធំៗគឺ​ បែបបិទជិត និងចំហរ។​ បរិក្ខាសម្រាប់ទុកដាក់ស្រូវមានច្រើនទម្រង់ ឬប្រភេទ អាស្រ័យទៅតាមប្រភេទស្រូវ (ពូជ​ ឬចំណី) ដែលត្រូវទុកដាក់ គោលបំណង និងទីកន្លែង។​ ជាទូទៅចំពោះស្រូវ​ចំណី គួរតែទុកដាក់ក្នុងទម្រង់ជាគ្រាប់ស្រូវប្រសើរជាងអង្ករ ដោយសារសំបកស្រូវ (អង្កាម) អាចការពារប្រឆាំងពីការបំផ្លាញរបស់សត្វល្អិត និងជួយការពារពីការខូចគុណភាព។

ស្រូវត្រូវបានគេច្រូតកាត់នៅអត្រាសំណើមគ្រាប់ចន្លោះពី ២០-៣០% (គោលការណ៍សើម)។ ការពន្យាពេលក្នុងការសម្ងួត ការសម្ងួតមិនពេញ លេញ ឬការសម្ងួតមិនសព្វ នឹងបណ្ដាលអោយមានការបាត់បង់ទាំងគុណភាព និងបរិមាណរបស់គ្រាប់ស្រូវ។ 

ការបោកស្រូវ គឺជាការផ្តាច់យកគ្រាប់ស្រូវចេញពីដើម (ចំបើង) ដោយកម្លាំងប៉ះទង្គិច កម្លាំងកកិត ឬ
ដោយកម្លាំងទាំងពីររួមគ្នា ។ ការខកខាន (ពន្យារពេល) បោកបែនបន្ទាប់ពីច្រូតកាត់រួចធ្វើឱ្យគ្រាប់ស្រូវ
ខូចយ៉ាងឆាប់រហស័ ជាពិសេស នៅពេលហាល ឬគរកណ្តាប់ជាស្នឹមនៅ វាលស្រែ។ការបោកមិនបាន
សមស្របអាចបណ្តាលឲ្យ បាត់បង់ច្រើនដោយសារការបោក និងការ កំពប់ខ្ចាត់ខ្ចាយ ។

គោលបំណងនៅក្នុងការកិនស្រូវ គឺការបកយកអង្កាមចេញពីស្រូវ និងការខាត់យកកន្ទក់ចេញ ពីអង្ករសម្រូប ដើម្បីទទួលបានអង្ករសម្រិតដែលត្រូវបានកិនយ៉ាងល្អ គ្មានគ្រាប់ទុំស្ទើរ និងមានបរិមាណ អង្ករបាក់តិចបំផុត ។ លទ្ធផល និងគុណភាពអង្ករ អាស្រ័យទៅលើគុណភាពស្រូវ ឧបករណ៍/ម៉ាស៊ីន ដែលប្រើប្រាស់ និងកិច្ចប្រតិបត្តិកិនស្រូវ ។

គេប៉ាន់ប្រមាណថាកណ្តុរប្រែងបំផ្លាញផលិតផលគ្រាប់ធញ្ញជាតិនៅលើពិភពលោកអស់ជាង ១%និង
ពី ៣-៥ %នៅក្នុងប្រទេសកំពុងអភិវឌ្ឍន៍។ពួកវាអាចចម្លងជំងឺប្រហែលជា៥០ ប្រភេទ ទៅលើមនុស្ស
 ។  កណ្តុរប្រែងស៊ីអាហារប្រហែលជា ២៥ក្រាមហើយកណ្តុរតូចៗប្រហែលជា ៣-៤ក្រាមក្នុងមួយថ្ងៃ
។ពួកវាធ្វើឱ្យប្រឡាក់ផលិតផលដែលរក្សាទុកជាច្រើនដោយសារទឹកនោម លាមក រោម និងភ្នាក់ងារ
បង្ករោគផ្សេងៗទៀត ។

អង្កាមគឺជាកាកសំណល់ដែលសល់ពីការកិនស្រូវ វាមានតម្លៃថោក ។ ដូច្នេះបើយើងប្រើអង្កាមសម្រាប់ចង្ក្រានម៉ាស៊ីនសម្ងួត នោះតម្លៃនៃការសម្ងួតស្រូវមានតម្លៃថោក ។ ការប្រើម៉ាស៊ីនដុតអង្កាម សម្រាប់សម្ងួតស្រូវនេះ សមស្របបំផុតសម្រាប់ប្រជាកសិករដែលធ្វើស្រែដើមរដូវ ព្រោះនៅពេលនោះពុំ មានកម្តៅថ្ងៃ ឬទីកន្លែងសម្រាប់ហាលសម្ងួតស្រូវឡើយ  ជាហេតុធ្វើឲ្យស្រូវដុះ គុណភាពអង្ករថយចុះជា ដើម ។

អង្កាមគឺជាកាកសំណល់ដែលសល់ពីការកិនស្រូវ វាមានតម្លៃថោក ។ ដូច្នេះបើយើងប្រើអង្កាមសម្រាប់ចង្ក្រានម៉ាស៊ីនសម្ងួត នោះតម្លៃនៃការសម្ងួតស្រូវមានតម្លៃថោក ។ ការប្រើម៉ាស៊ីនដុតអង្កាម សម្រាប់សម្ងួតស្រូវនេះ សមស្របបំផុតសម្រាប់ប្រជាកសិករដែលធ្វើស្រែដើមរដូវ ព្រោះនៅពេលនោះពុំ មានកម្តៅថ្ងៃ ឬទីកន្លែងសម្រាប់ហាលសម្ងួតស្រូវឡើយ  ជាហេតុធ្វើឲ្យស្រូវដុះ គុណភាពអង្ករថយចុះជា ដើម ។