គោលបំណងក្នុងការចែកចំណាត់ថ្នាក់គ្រាប់ពូជ គឺដើម្បីរក្សា និងឱ្យកសិករប្រើប្រាស់នូវពូជដែលមាន គុណភាពខ្ពស់ និងជាពូជសុទ្ធ ។ ពូជស្រូវដែលគេឱ្យចំណាត់ថ្នាក់ ត្រូវតែមានភាពសុទ្ធ អត្រាដំណុះ ខ្ពស់និងខ្លាំងល្អ និងមានគុណភាពល្អ (គ្មានជំងឺ មិនមែនជាគ្រាប់ខូច ឬជាគ្រាប់ដែលមិនទាន់ទុំល្អ) ។

ការសម្រិតសម្រាំងពូជដោយខ្លួនឯង តាមវិធីសាស្រ្តងាយៗ កសិករអាចទទួលបាននូវគ្រាប់សុទ្ធពូជល្អ
សម្រាប់ធ្វើការដាំដុះនៅរដូវបន្ទាប់ ដោយពុំចាំបាច់ចំណាយប្រាក់ទិញ ។   ការប្រើប្រាស់គ្រាប់ពូជសុទ្ធ
ទទួលបានទិន្នផលខ្ពស់ និងគុណភាពអង្ករល្អ ព្រមទាំងលក់បានថ្លៃ ។