ស្រូវជាដំណាំសំខាន់បំផុតដែលចិញ្ចឹមជីវិតមនុស្សជាងពាក់កណ្ដាលនៃចំនួនប្រជាជននៅលើពិភព
លោក។ដោយគិតលើផ្ទៃដីដាំដុះ   និងបរិមាណផលិតផលដែលធ្វើចរាចរនៅ   លើទីផ្សារអន្ដរជាតិ
ដំណាំស្រូវត្រូវបានចាត់ថ្នាក់លំដាប់លេខពីរ បន្ទាប់ពីស្រូវសាលី   ។     ក្នុងចំណោម ប្រទេសទាំង 
២៣៨  គឺមានប្រទេសចំនួន១១១ ដែលមានផ្ទៃដីដាំដុះសរុបប្រមាណ ១៤៣.៥ លានហិកតាដែល
ក្នុងនោះ៩០ភាគរយនៃផ្ទៃដី ដាំដុះស្ថិតនៅទ្វិបអាស៊ី ក្រៅពីនោះមានដាំនៅប្រទេសមួយចំនួនទៀត
ដូចជាៈអាមេរិកកណ្ដាល អាមេរិកខាងត្បូងនិង​ ប្រទេសមួយចំនួននៅ ទ្វីបអាហ្វ្រិក រួមទាំងអូស្ដ្រាលី
ផងដែរ។

ជាទូទៅកសិករនៅប្រទេសកម្ពុជា ធ្វើការដាំដុះដំណាំស្រូវវស្សាបានតែមួយដងប៉ុណ្ណោះ បន្ទាប់មកទុកដីស្រែឲ្យទំនេរពេញមួយរដូវប្រាំង ។ គោលបំណងរបស់ប្រព័ន្ធកសិកម្មគំរូ គឺកែលម្អជីវភាពកសិករក្រីក្រ តាមរយៈការបង្កើតឲ្យមាននូវចំណែកដីសម្រាប់ដំណាំស្រូ​វ បន្លែ ឈើហូបផ្លែ និងចិញ្ចឹមត្រី និងចិញ្ចឹមសត្វ ។

បច្ចុប្បន្ននេះបរិមាណផលត្រីក្នុងធម្មជាតិមានការថយចុះជាលំដាប់ ទន្ទឹមនឹងនេះកំណើនប្រជាជន
កាន់តែកើនឡើង។ បុព្វហេតុនេះ ការចិញ្ចឹមត្រីក្នុងស្រែ គួបផ្សំដំណាំស្រូវ មិនត្រឹមតែទទួលបាននូវអង្ករ និងសាច់ត្រីសម្រាប់ការហូបចុកប្រចាំថ្ងៃប៉ុណ្ណោះទេ វាក៏បានរួមចំណែកក្នុងការកាត់បន្ថយការចាប់ត្រីពីផល ស្តុកធម្មជាតិផងដែរ។

មូសផ្លុង (Orseolia oryzae) ជាសត្វល្អិតដែលមានរូបរាងតូច ដូចសត្វមូសធម្មតាដែរ។ ចំពោះមូស
ផ្លុងឈ្មោលពេញវ័យ ខ្លួនរបស់វាមានពណ៌លឿងត្នោត និងមានខ្លួនតូចជាងមូសផ្លុងញី  ដែលមាន
ពោះពណ៌ក្រហម ។  នៅពេលភ្លៀងចាប់ផ្តើមធ្លាក់នាដើមរដូវវស្សា មូសផ្លុងពេញវ័យហើរចេញពី
ស្មៅចង្រៃមករកជម្រកថ្មីដែលមានចំណី  និងអាចបន្តពូជបាន។ចំពោះមូសផ្លុងញីនិមួយៗ អាចពង
បានពី  ១-៤   នៅលើស្លឹកស្រូវ និងមានជីវិតត្រឹមតែ ៤ ឬ ៥  ថ្ងៃប៉ុណ្ណោះ ប៉ុន្តែចាប់ពីពេលពេញវ័យ
រហូតដល់ងាប់ទៅវិញ វាអាចពងបានរាប់រយឯណោះ។  

ជាទូទៅយើងដឹងថាស្រូវមានជំងឺ ដោយសារទិដ្ឋភាពខាងក្រៅផ្លាស់ប្តូរខុសពីធម្មតា ។ សញ្ញាប្រែប្រួល
ខាងក្រៅនិងប្រតិកម្មខាងក្នុងស្រូវ ដែលបង្កឱ្យមានភាពប្រែប្រួលនោះគេហៅថា " រោគសញ្ញា '' នៃជំងឺ ។