ការសម្រិតសម្រាំងពូជដោយខ្លួនឯង តាមវិធីសាស្រ្តងាយៗ កសិករអាចទទួលបាននូវគ្រាប់សុទ្ធពូជល្អ
សម្រាប់ធ្វើការដាំដុះនៅរដូវបន្ទាប់ ដោយពុំចាំបាច់ចំណាយប្រាក់ទិញ ។   ការប្រើប្រាស់គ្រាប់ពូជសុទ្ធ
ទទួលបានទិន្នផលខ្ពស់ និងគុណភាពអង្ករល្អ ព្រមទាំងលក់បានថ្លៃ ។
 

សត្វកណ្ដុរដែលប្រទះឃើញសំបូរជាងគេនៅស្រែកសិករ ក្នុងតំបន់វាលទំនាបនៃ ប្រទេសកម្ពុជា រួម
មានពួកកណ្ដុរប្រែង (កណ្ដុរធំ)  (Bandicota indica) ​ និងពួកកណ្ដុរស្រែ  (កណ្ដុរបាយ)(Rattus
argentiventer)។ សត្វកណ្ដុរបានបំផ្លាញផលិតផលដំណាំកសិករតាម រូបភាព២យ៉ាងគឺ ការបំផ្លាញ
របស់វានៅលើស្រែផ្ទាល់ និងការបំផ្លាញផលិតផលស្ដុក។ ជា រៀងរាល់ឆ្នាំនៅប្រទេសកម្ពុជាយើង
កសិករតែងតែជួបប្រទះនូវការបាត់បង់ទិន្នផលយ៉ាង សន្ធឹកសន្ធាប់  ពីពពួកសត្វកកេរជាពិសេសគឺ
សត្វកណ្ដុរ។ ការសិក្សាស្វែងយល់ពីលក្ខណៈ ជីវសាស្ដ្រនៃសត្វកណ្ដុរ ជាចំណុចចាប់ផ្ដើមដំបូងសំ
រាប់ធ្វើការរៀបចំយុទ្ធសាស្ដ្រផ្សេងៗ ដើម្បី ធ្វើការគ្រប់គ្រងសត្វកណ្ដុរ ប្រកបដោយប្រសិទ្ធភាពខ្ពស់
និងនិរន្ដរភាព។

ឯកសារនេះពិពណ៌នាអំពីក្រុមដីផ្សេងៗ ដែលមាននៅក្នុងស្រុកអូរាំងឪ នៃខេត្ដកំពង់ចាម ដែលជាព័ត៌មានគ្រឹះអំពីដី សំរាប់ធ្វើការស្វែងយល់ និង សិក្សាស្រាវជ្រាវ

ការប្រើប្រាស់គ្រាប់ពូជល្អ ធ្វើឲ្យយើងចំណាយគ្រាប់ពូជតិច ដំណុះនៅក្នុងស្រែខ្ពស់ (ជាង៧០ ភាគរយ ) កាត់បន្ថយការជួសឡើងវិញ ស្រូវដុះស្មើល្អ និងសន្ទុះលូតលាស់ខ្លាំងពេលចាប់ផ្តើមដាំដុះ កាត់បន្ថយការដុះលូតលាស់របស់ស្មៅ បង្កើនភាពធន់ទប់ទល់ទៅនឹងសត្វល្អិត និងជំងឺ និងធ្វើឲ្យកើនទិន្នផលស្រូវពី ៥ ទៅ ២០ ភាគរយ ។

ការសាកល្បងដំណុះគ្រាប់ គឺដើម្បីកំណត់ភាគរយនៃគ្រាប់ពូជ ដែលមានជីវិត និងអាចយក ទៅធ្វើការដាំដុះបាន។ កម្រិតដុះវាទាក់ទងទៅនឹងភាពខ្លាំងរបស់គ្រាប់ពូជ ដែលយើងត្រូវយកវាទៅ ដាំដុះនៅលើដីស្រែ ។ តាមរយៈការយល់ដឹងពីអត្រាដំណុះគ្រាប់ កសិករអាចកំណត់អត្រាដំណុះ ឬបរិមាណគ្រាប់ពូជ ដើម្បីទទួលបានសំណាបដែលគាត់ចង់បាន ។

ពូជដែលប្រើប្រាស់ទៅតាមតម្រូវការតំបន់ អាចធានាបាននូវការដុះលូតលាស់ល្អ និង ទិន្នផលខ្ពស់ ព្រមទាំងគុណភាពត្រូវបានទទួលស្គាល់នៅលើទីផ្សារ ។ គួរជ្រើសរើសពូជដែលមាន ទិន្នផលខ្ពស់ ធន់ទ្រាំនឹងសត្វល្អិត ជំងឺ ធន់ទៅនឹងការដួលរលំ និងមានគុណភាពល្អ សម្រាប់យក មកប្រើប្រាស់ ។

ការស្ទូងស្រូវដោយដៃ គឺយើងមិនត្រូវការម៉ាស៊ីនមានតម្លៃថ្លៃ ហើយវាសមស្របបំផុតចំពោះតំបន់ ណាដែលមានកម្លាំងពលកម្មលើស និងសម្រាប់ដីស្រែណាដែលមានទំហំតូចល្មមប៉ុណ្ណោះ ។ ការ ស្ទូងដោយដៃអាចធ្វើបាននៅក្នុងស្រែដែលដីមិនរាបស្មើ និងកម្ពស់ទឹកក្នុងស្រែមិនស្មើគ្នា ។ ការ គ្រប់គ្រងកូនស្រែសាបសំណាបបានត្រឹមត្រូវ យើងនឹងទទួលបានសំណាបដែលមានសុខភាពល្អ និង កម្លាំងមាំមួន ។

ការជ្រើសរើស ការរៀបចំថ្នាលសំណាប និងការសាបជាការសំខាន់ ពីព្រោះបើរៀបចំមិនបានល្អទេនោះ សំណាប ដុះលូតលាស់មិនបានស្មើល្អ មានស្មៅច្រើន និងជាពិសេសគឺគ្រាប់ស្រូវដុះមួរ ដែលលាយឡំជាមួយ សំណាបរបស់ពូជស្រូវដែលសាប។ បន្ថែមពីនេះ សំណាបតូចឆ្មារ ទន់ខ្សោយ លូតលាស់យឺត និងផ្តល់ ផលទាប ។
 

ការរៀបចំដី គឺជាការអនុវត្តន៍រួមគ្នានូវការភ្ជួរ-រាស់ដី ដើម្បីធ្វើឱ្យដីមានស្ថានភាពរូបសាស្ត្រល្អប្រសើរបំផុត សម្រាប់ដំណុះគ្រាប់ពូជ និងការលូតលាស់របស់ដំណាំ។ ការភ្ជួររាស់ដីអាចធ្វើឱ្យដំណាំអាចមានលទ្ធភាពចាក់ប្ញសបានល្អ ធ្វើការបំបែក និងច្របល់ដីឱ្យបានល្អ ដើម្បីបន្ថយ ឬបង្អន់នូវការប្រជែងពីស្មៅចង្រៃ។